一生人一次

人生有很多一次..
第一次默書唔合格比媽咪打,第一次上堂傾計比班主任罰企,第一次畢業,第一次拍拖...etc

每個人必經既結婚,生仔..
我現在正在感受中..

在11年11月11日我們結婚了

到13年4月我發現我有了"你"...

"你"的出現令我倆十分驚喜..說真的,我們其實已打定輸數,因為不斷的嘗試已經另大家都沒有任何期望..可能真係"越想要越唔比你有"既關係...的確有一陣子係搞到大家好唔開心...

之後"當去到一個差唔多絕望既時候"就會有一d意想不到既事發生..

當我見到那2條線的出現那種心情到現在我仲好記得!!!因為實在太興奮~

開頭既3,4個月.我從未試過咁辛苦...好攰..唔穩定,食唔到野,番唔到工...體重不升反下降..

第4個月打後開始好了..起碼食到,訓到,番到工.總算精神D.
到現在差唔多35wks,.感受到你一天天的長大,每天都好大力咁踢我,我真係好好好開心!!

時間過得好慢....比想像中慢...10個月真係唔易過,不過幸好有你同爸爸係我身邊.

感謝爸爸每晚都煮美味既晚飯比我地食,感謝爸爸每晚都為我按摩酸痛既腰骨,感謝爸爸每晚跟我一齊唱ABC song比你聽.我十分幸福!!!

日子越黎越近開始有D緊張,我只想同你講,爸媽只需要你健康快樂,做個開心,有禮貌既小朋友.

我愛你!

New Blur song - Under The Westway - Live at War Child 2012

想一個人看的電影

Ewan Mcgregor!!! My Ewan Mcgregor!

Ewan Mcgregor 可以有用好正黎形容(個人意見)!!!從Trainspottinh開始..一直到現在!! 當然...其間有幾套我係冇入場欣賞!!

看見你的相...突然好想重溫Young Adam!!!

10月10日

22天後..我便是人妻...是人家新抱..突然覺得好沉重..好像身兼數職~~
已跟他住了兩星期....尚算"夾"得到..沒有嘈交~~~

心情....跟之前沒有太大分別...沒有Exicte 的感覺...哈哈哈~~大鑊了~~~

興奮,忙碌

仲有一個月!!!!就會搬去我同你既第1個LOVE NEST!!
咁大個女第1次離開家人..感覺有點失落!!!!30年都跟媽媽,妹妹"三依為命".第1次感覺到自己大個女,有個自己屋企!!
所以大大小小家頭細務都係自己做!!

發現Follow Up 裝修真的很頭痛....C Fu 如果可以自動地去做每一樣野我會輕鬆好多...已經入去3個星期....進度只係一般,好想好想鬧幾句..但心諗屋企宜間屋係C Fu 手上....絕對唔可以得罪!!!!!所以只可以埋怨幾句而不可吵吵鬧鬧!!

距離結婚仲有唔夠3個月...To be Frank,我到呢一刻都冇十分開心,十分期待既感覺~可能最近太多野要處理...實在沒有時間去"幻想"太多.我只想所有野都Smooth....個個都開開心心黎食晚餐飯就好了

Exhausted

突然覺得好攰.....攰到好想咩都唔做..只係想休息..做自己想做既野..去自己想去既地方..一個人..
呢種感覺係唔係"間歇性"就會出現?吃力不討好的工作我真係好唔想做..!

今天我不停同自己講 : '開心d..開心d~人就會靚d~皮膚會好d~'